Sport24.az
"Qarşımızda möhkəm komanda olacaq. Onlara qarşı oynamaq xoşdur. Hər iki komandaya uğurlar arzulayıram. Bizə qarşı yaxşı təşkilatlanmış rəqib görəcəyik". Sport24.az xəbər verir ki, bunu "Qarabağ"ın futbolçusu Bəhlul Mustafazadə mətbuat konfransında deyib.
Müdafiəçi "Sabah"a qarşı keçirəcəkləri Azərbaycan Kubokunun final oyunu ilə bağlı fikirlərini bölüşüb:
"Bizi çox yaxşı final görüşü gözləyir. Titullarımızın sayını artırmaq istəyirik".
Qeyd edək ki, mayın 31-də Mehdi Hüseynzadə adına Sumqayıt şəhər stadionunda təşkil olunacaq matç saat 19:00-da start götürəcək.
