Sport24.az
"Qarşılaşmanın son anlarında daha məsuliyyətli oyun sərgiləsəydik, məğlub olmazdıq". Bu sözləri Sport24.az-a açıqlamasında "Qarabağ"ın futbolçusu Bəhlul Mustafazadə deyib.
Müdafiəçi Azərbaycan Kubokunun finalında "Sabah"a məğlub olduqları (2:3) görüşü şərh edib:
"Öz səhvimiz ucbatından məğlub olduq. Azarkeşlər maraqlı matça şahidlik etdilər. Təəssüflər olsun ki, "qızıl dubl" etməyə bu qədər yaxın olduq, amma şansı qaçırdıq. Belə üzücü məğlubiyyətdən dərs çıxarmaq lazımdır".
O, qarşılaşmanın baş hakimi İnqilab Məmmədovun müəyyən epizodlarda rəqib komandaya simpatiya bəslədiyini söyləyib:
"Açığı epizodların təkrarına baxmamışam. Lakin müəyyən epizodlarda referinin rəqibə simpatiyasının olduğu sezilirdi. Bununla belə, rəqibin qələbəsinə kölgə salmaq istəmirik. Lakin düşünürəm ki, daha yaxşı hakim idarəçiliyi ola bilərdi".
