Sport24.az
Azərbaycan millisinin və "Qarabağ"ın futbolçusu Bədavi Hüseynov tarixə düşəcək. Sport24.az xəbər verir ki, bu, Ağdam təmsilçisinin cari mövsüm Misli Premyer Liqasında çempion olması ilə gerçəkləşəcək.
Belə ki, 33 yaşlı müdafiəçi Azərbaycan çempionatları tarixində və "Qarabağ"da ən çox qızıl medal qazanan oyunçu ünvanına sahib çıxacaq. O, ötən mövsümün sonunda karyerasını başa vuran Maksim Medvedev və bu mövsümün gedişində komandadan ayrılan Riçard Almeydanı keçəcək. Hazırda hər üç futbolçunun 10 belə titulu var.
Ağdamlıların digər sabiq üzvü Qara Qarayev 9 çempionluqla növbəti sıradadır.
Qeyd edək ki, "Qarabağ" 28 turdan sonra 67 xalla liderdir və ən yaxın izləyicisi "Zirə"ni 12 xal qabaqlayır.
