Sport24.az
Bu gün start götürəcək Misli Premyer Liqasının 35-ci turunun daha bir qarşılaşması "Zirə"də baş tutacaq. Sport24.az xəbər verir ki, qəsəbənin eyniadlı təmsilçisi "Sabah"la üz-üzə gələcək.
"Qartallar" artıq "gümüş"ü təmin etdiyindən bu matçın onlar üçün xüsusi əhəmiyyəti qalmayıb. "Bayquşlar"ın isə hələ də dördüncü olmaq şansı var. Bunun üçün Vasili Berezutskinin yetirmələri bu matçdan qələbə ilə ayrılmaqla yanaşı, "Turan Tovuz"un Sumqayıtda məğlub olmasına ümid etməlidir.
Qeyd edək ki, turun digər 2 oyunu sabah keçiriləcək.
Misli Premyer Liqası
IV dövrə, XXXV tur
17:00. "Zirə" - "Sabah"
Hakimlər: Elçin Məsiyev, Elşad Abdullayev, Pərvin Talıbov, Vüqar Həsənli
VAR: Əliyar Ağayev
AVAR: Kamran Əliyev
Hakim-inspektor: Ceyhun Haşımov
AFFA nümayəndəsi: Anar Şıxəliyev
Zirə. İdman Kompleksinin stadionu.
