Sport24.az
Misli Premyer Liqasının 31-ci turu çərçivəsində bu gün daha iki oyun keçiriləcək. Sport24.az xəbər verir ki, günün ilk qarşılaşması masazırda baş tutacaq.
Turnir cədvəlinin 5-ci pilləsində qərarlaşan "Sabah" autsayder "Səbail"i qonaq edir. Meydan sahibləri üçün bu matç böyük ölçüdə o qədər də əhəməiyyətli deyil. Avrokuboklara yollanmaq istəyən "bayquşlar" daha çox gələn həftə keçiriləcək "Neftçi" ilə ölkə kubokunun yarımfinalının cavab qarşılaşmasını düşünür. "Dənizçilər" isə əksinə. Turnir cədvəlinin son pilləsində qərarlaşan paytaxt təmsilçisi elitada yerini qorumaq naminə hər cür fədakarlıq etməyə hazırdır.
Qeyd edək ki, "Bank Respublika Arena"da baş tutacaq görüşün start fiti saat 17:30 səslənəcək.
Misli Premyer liqası
IV dövrə, XXXI tur
17:30. "Sabah" - "Səbail"
Hakimlər: Fərid Hacıyev, Vüsal Məmmədov, Rəhman İmami, Əkbər Əhmədov
VAR: Rəşad Əhmədov
AVAR: Cəmil Quliyev
Hakim-inspektor: Feyzulla Feyzullayev
AFFA nümayəndəsi: Məmmədəli Məmmədov
Masazır. "Bank Respublika Arena"
