Sport24.az
"Bayer"in qapıçısı Matey Kovarj icarə əsasında PSV-yə keçib. Sport24.az xəbər verir ki, bu barədə Niderland klubunun mətbuat xidməti məlumat yayıb.
25 yaşlı çexiyalı ilə müqavilə 2025/26 mövsümünün sonuna qədər nəzərdə tutulub. İki klub arasında əldə olunan razılığa əsasən Niderland klubu mövsümün sonunda müəyyən təzminat qarşılığında qolkiperi tam əsasla "rənglərinə bağlaya" bilər.
Qeyd edək ki, Kovarj 2023-cü ildən "Bayer"də çıxış edir. O, komandanın heyətində 32 oyun keçirib, 30 qol buraxıb və 16 matçda qapısının toxunulmazlığını təmin edib. Çexiyalı qolkiper karyerası ərzində daha Praqa "Sparta"sı və "Mançester Yunayted"in formasını geyinib.
