Idman.biz
Almaniya Bundesliqasında 7-ci turda "Maynts" "Bayer"lə qarşılaşıb.
İdman.Biz bildirir ki, oyunda "Bayer" 4-3 hesabı ilə qalib gəlib.
11-ci dəqiqədə Alexandro Qrimaldo penaltini dəqiq yerinə yetirərək qonaqları önə keçirib, 24-cü dəqiqədə isə Kristian Kofane hesab arasındakı fərqi iki topa çatdırıb. Meydan sahiblərinin heyətində 34-cü dəqiqədə Li Ce Son fərqlənib. 45+3-cü dəqiqərdə Qrimaldo dubl edib.
71-ci dəqiqədə Nadim Amiri "Maynts"ın ikinci qolunu vurub. "Bayer"in heyətində 87-ci dəqiqədə Martin Terye fərqlənib. Meydan sahiblərinin 3-cü qolunu 90-cı dəqiqədə Armindo Zib vurub.
Bu oyundan sonra "Maynts" dörd xalla turnir cədvəlində 16-cı, "Bayer" isə 14 xalla beşinci yerdədir.
Növbəti turda "Maynts" oktyabrın 26-da səfərdə "Ştutqart"la, "Bayer" isə həmin gün evdə "Frayburq"la qarşılaşacaq.
