Sport24.az
Bavariya"nın 28 yaşlı oyunçusu Kinqsli Koman "Liverpul"un maraq dairəsindədir. Sport24.az xəbər verir ki, bu barədə Münhen klubunun mətbuat xidməti "Bild"in jurnalistləri Tobi Altşaffl və Kristian Volka istinadən sosial şəbəkədə məlumat yayıb.
Bildirilir ki, hazırda klublar arasında heç bir danışıqlar aparılmasa da, ingilislər futbolçunun transferində israrlıdır.
Almaniya klubu ilə 2027-ci ilin yayına qədər müqaviləsi olmasına baxmayaraq, Koman bu yay düşərgəni tərk etmək istəyir. Səudiyyə Ərəbistanı çempionatında mübarizə aparan 4 klub da onun xidmətində maraqlıdır.
"Bavariya" fransalının transferindən 30-40 milyon avro qazanc əldə etməklə yanaşı, onun illik 17 milyon avro təşkil edən maaş yükündən də azad olmaq istəyir.
Qeyd edək ki, Koman bu mövsüm "Bavariya"nın heyətində bütün turnirlərdə 34 oyun keçirib və 6 qol vurub.
