Sport24.az
Bir neçə Avropa nəhəngi "RB Leypsiq"in hücumçusu Yann Diomande ilə maraqlanır. Sport24.az "Bild"ə istinadən xəbər verir ki, 19 yaşlı futbolçunu izləyən klublar arasında "Liverpul" və "Bavariya", eləcə də bir sıra digər aparıcı klublar var.
Ötən həftə "Mançester Yunayted"in futbolçunun transferi üçün 90 milyon avroluq təklif göndərdiyi xəbəri yayılsa da, bu həqiqəti əks etdirməyib.
Futbolçu özü isə "TikTok"da canlı yayım zamanı xəyalındakı klubla bağlı sualı birbaşa cavablandırıb. O, "Liverpul"da oynamaq istədiyini bildirib:
"Mən "Liverpul"da oynamaq istəyirəm. Mən bu klubun böyük azarkeşiyəm. Atam məni "Enfild"də görməyi arzulayır".
Qeyd edək ki, Diomande bu mövsüm "RB Leypsiq"in heyətində meydana çıxdığı 16 matçda 7 qol vurub və 4 məhsuldar ötürmə edib.
