Sport24.az
"Bavariya" yayda ən azı bir cinah oyunçusu ilə müqavilə bağlayacaq. Sport24.az xəbər verir ki, bu barədə jurnalist və insayder Florian Plettenberg sosial şəbəkə hesabında məlumat paylaşıb.
O, bilidirir ki, Münhen klubu hazırda bir neçə varinatı nəzərdən keçirir. Dortmund "Borussiya"sından Ceymi Gittens və "Atletik"dən Niko Uilyams namizədlər arasındadır.
Münhenlilərin əsas hədəfi isə hazırda "Bayer"in şərəfini qoruyan Florian Virtsdir. "Transfermarkt" portalı onun dəyərini 140 milyon avro qiymətləndirir.
Almaniya nəhəngi eyni zamanda Fransa "Lion"unun formasını geyinən Rayan Şerki də izləməkdə davam edir. Onunla bağlı lazımi məlumatları hələ yanvar ayında toplayıb.
