Lent.az
"Bavariya" 23 yaşlı hücumçu Nik Voltemadın transferi ilə bağlı "Ştutqart"la danışıqlar aparır.
Lent.az xəbər verir ki, Münhen klubu Almaniya millisinin futbolçusunu 50-60 milyon avroya ala biləcəyini gözləyib. Bununla belə, Voltemadın hazırkı komandası onu 100 milyon avro dəyərində qiymətləndirir. Eyni zamanda, futbolçunun müqaviləsində müqaviləyə vaxtından əvvəl xitam verilməsi ilə bağlı bənd yoxdur. "Bavariya"nın 31 yaşlı hücumçu Harri Keynin əvəzləyicisi kimi Voltemadi nəzərdən keçirdiyi vurğulanır.
Ötən mövsüm Voltemad bütün turnirlərdə 33 oyun keçirib, 17 qol vurub və 3 məhsuldar ötürmə edib. Futbolçunun klubla hazırkı əmək müqaviləsi 2028-ci ilin yayına kimi nəzərdə tutulub.Transfermarkt portalında verilən məlumata görə, futbolçunun bazar dəyəri 30 milyon avrodur.
Voltemade Almaniya millisində iki oyun keçirib.
Qeyd edək ki, "Real Madrid", "Çelsi" və "Atletiko Madrid" də Voltemade ilə maraqlandığı barədə xəbər vermişdik.
