İdman.biz
"Bavariya" və "Mançester Yunayted" Mateys de Liqatin transferində razılığa gələ bilmir.
İdman.biz xəbər verir ki, Avropa nəhəngləri müdafiəçinin qiymətində ortaq məxrəc tapa bilmir.
24 yaşlı futbolçunun keçidini Erik Ten Haq istəyir. Mançester təmsilçisi ilə müqaviləsini uzatmaq barədə danışıqlar aparan niderlandlı mütəxəssis həmyerlisinin transferini istəyir.
Almaniya klubu müdafiəçinin keçidi üçün 70 milyon avro tələb edir. "Qırmızı şeytanlar" bu məbləğin yarısını ödəməyə hazırdır. Qiymətlə bağlı fikir ayrılığı həllini tapmasa, keçid rəsmiləşməyəcək.
Qeyd edək ki, müdafiəçi "Bavariya"nın yeni baş məşqçisi Vensan Kompaninin planlarına daxili deyil.
İdman.biz
