Idman.biz
Almaniya Bundesliqasının 23-cü turunda "Bavariya" və "Ayntraxt Frankfurt" arasında keçirilən oyun başa çatıb. Münhen komandası 3:2 hesabı ilə qalib gəlib. Oyun "Arena Munich"də baş tutub.
Aleksandar Pavloviç 16-cı dəqiqədə meydan sahiblərini hesabda irəli çıxarıb. Harri Keyn 20-ci dəqiqədə komandasının üstünlüyünü ikiqat artırıb, 68-ci dəqiqədə isə ikinci qolunu vurub. Conatan Burkardt 77-ci dəqiqədə penaltidən dəqiq zərbə endirərək qollardan birinin əvəzini çıxıb, Arno Kalimuendo isə 86-cı dəqiqədə fərqi bir topa endirib.
Bu oyundan sonra "Bavariya" 60 xalla Almaniyanın yüksək divizionunda liderlik edir, "Ayntraxt" isə 31 xalla yeddinci yerdədir.
