Sport24.az
"Bavariya" "Arsenal"ın sağ cinah müdafiəçisi Yurrien Timberin xidmətində maraqlıdır. Almaniya nəhəngindən başqa daha bir top-klub da müdafiçini istəyir. Sport24.az xəbər verir ki, bu barədə "Caught Offside" portalı məlumat yayıb.
Mənbənin sözlərinə görə, niderlandlı futbolçu karyerasını "topçular"da davam etdirmək istədiyi üçün Münhen klubuna keçmək ehtimalı çox azdır. "Arsenal" Timberin 2028-ci ilin yayında başa çatacaq müqaviləsini uzatmaq üçün danışıqlar aparır.
Qeyd edək ki, müdafiəçi 2023-cü ilin yayından London klubunda çıxış edir. Bu müddət ərzində o, bütün turnirlərdə 60 matçda meydana çıxıb, 4 qol vurub və 5 məhsuldar ötürmə verib. "Transfermarkt" portalının məlumatına görə, onun bazar dəyəri 55 milyon avrodur.
