Sport24.az
Braziliya millisinin futbolçusu Rafinya keçmişlə bağlı maraqlı açıqlamalar verib. Sport24.az xəbər verir ki, "Barselona"da çıxış edən vinger 2020-ci ildə İtaliya yığmasında oynamaq ehtimalının olduğunu bildirib.
28 yaşlı oyunçu Avropa təmsilçisində çıxış etməsinin pasport məsələsinə görə alınmadığını deyib:
"İtaliya millisinin dəvətini qəbul etməyə çox yaxın idim. 2020-də qalib olduqları Avropa çempionatına gedəcəkdim. Əslində getməyə hazır idim. Sadəcə pasportum gəlib çıxmadı. Həmin vaxt İtaliya Futbol Federasiyasından mənimlə əlaqə saxlayırdılar. Jorjinyo da (İtaliya millisinin üzvü) tez-tez mənə zəng edirdi. İtaliya millisinin mənimlə bağlı möhtəşəm layihəsi var idi. Həqiqətən də diqqətimi cəlb edirdi. Eyni zamanda Braziliya yığmasına dəvət alacağımla bağlı ümidim var idi. Xoşbəxtlikdən İtaliya pasportum vaxtında hazır olmadı".
Qeyd edək ki, Rafinya 2021-ci ildə Braziliya millisinin heyətində debüt edib.
