Sport24.az
"Barselona"nın yay "transfer pəncərəsi" üçün transfer prioritetlərinin siyahısı açıqlanıb. Sport24.az xəbər verir ki, bu barədə "Mundo Deportivo" məlumat yayıb.
Baş məşqçi Hans-Diter Flik, idman direktoru Deko və idman komitəsinin digər üzvləri ilə birlikdə gücləndiriləcək əsas mövqeləri müəyyən ediblər: sol mərkəz müdafiəçisi, cinah yarımmüdafiəçisi və mərkəz hücumçusu.
"Barselona" maliyyə feyr-pleyinə əməl edəcəyi təqdirdə, müdafiəçi transferi 2026-cı ilin qışında baş tuta bilər. Namizədlər arasında Qonsalo İnasio (Sportinq), Murilo (Nottingem Forest), Niko Şlotterbek ("Borussiya", Dortmund), Luis Benedetti (Palmeyras) və Mark Qehi (Kristal Pelas) var.
Mərkəz hücumçusu da prioritetdir. Robert Levandovskinin müqaviləsi yayda başa çatdığından katalonlar Julian Alvares ("Atletiko", Madrid), Harri Keyn (Bavariya) və Erlinq Haalandla (Mançester Siti) ilə maraqlanır.
Rafinyanın Səudiyyə Ərəbistanına yollanmaq ehtimalını nəzərə alan rəsmilər cinah müdafiəsini də gücləndirməyə çalışır. Namizədlər arasında 30 milyon avroluq sərbəst qalma maddəsi ilə Markus Reşford ("Mançester Yunayted") da var. Klub həmçinin "Milan"dan Rafael Leaonu da diqqətdə saxlayır.
Qeyd edək ki, "Barselona" hazırda La Liqada ikinci, Çempionlar Liqasında isə 18-ci yerdədir.
