Lent.az
İdman direktoru Deko "Barselona"nın baş məşqçisi Hansi Flik ilə birlikdə transfer etməyi hədəflədikləri oyunçuların siyahısını hazırlayıblar.
Lent.az-ın xarici KİV-ə istinadla məlumatına görə, komandanın ilk güclənməsi bu qış transfer pəncərəsi zamanı oyunçuların alınmasl ilə başlayacaq. Qeyd edilir ki, klub bir müdafiəçi ilə müqavilə imzalamaq niyyətindədir.
"Barselona"ya keçə biləcəklər arasında Qonsalo İnasio ("Sportinq"), Murilo ("Nottinqem Forest"), Niko Şlotterbek ("Borussiya" Dortmund), Luis Benedetti ("Palmeyras") və Mark Qey ("Kristal Pelas") var.
Yay üçün digər transferlər planlaşdırılır. Robert Levandovskinin müqaviləsi mövsümün sonunda başa çatdığı üçün prioritet hücumçu əldə etməkdir və Kataloniya klubu yaşına görə polyakın müqaviləsini uzatmaqda o qədər də maraqlı deyil. Hücumçu mövqeyinə namizədlər arasında Xulian Alvares ("Atletiko"), Harri Keyn ("Bavariya") və Erlinq Haaland ("Mançester Siti") var.
Mənbənin məlumatına görə, yarımmüdafiəyə gəldikdə, klubun yeni oyunçular əldə etmək planı yoxdur.
