Idman.biz
"Barselona"nın hücumçusu Runi Bardci qış transfer pəncərəsində iki klubun – "Portu" və "Ştutqart"ın (maraq dairəsinə düşüb.
İdman.Biz xəbər verir ki, hər iki komanda 20 yaşlı futbolçunu icarəyə götürmək variantını nəzərdən keçirir. Lakin "Barselona"nın baş məşqçisi Hansi Diter Flik bu ideyanı dəstəkləmir və gənc oyunçunun ən azı mövsümün sonuna qədər komandada qalmasının tərəfdarıdır.
Bardci ötən yay "Barselona"ya transfer olunub və bütün turnirlərdə 9 matça çıxaraq 1 məhsuldar ötürmə ilə yadda qalıb. Futbolçunun klubla müqaviləsi 2029-cu ilin yayına qədərdir. "Transfermarkt" məlumatına görə, onun cari bazar dəyəri 10 milyon avrodur (19.8 milyon AZN)
