Sport24.az
"Barselona" 2026-cı ilin yayında "Mançester Siti"nin hücumçusu Erlinq Haalandı "rənglərinə bağlamaqda" israrlıdır. Sport24.az xəbər verir ki, bu barədə "El Nacional" məlumat yayıb.
Mənbənin sözlərinə əsasən, Kataloniya klubu norveçli hücumçuya görə İngiltərə klubuna hücumameylli yarımmüdafiəçi Dani Olmonu və kompensasiya təklif etməyə hazırdır. "Şəhərlilər"in baş məşqçisi Pep Qvardiola uzun müddətdir ki, Olmonu sərəncamında görmək istəyir.
27 yaşlı Olmo "Barselona"na akademiyasının yetirməsidir və 2024-cü ildən əsas komandada oynayır. O, Kataloniya təmsilçisinin heyətində bütün turnirlərdə 50 oyun keçirib, 13 qol vurub və 9 məhsuldar ötürmə edib. Onun klubla hazırkı müqaviləsi 2030-cu ilin yayına qədərdir. "Transfermarkt" portalı futbolçunun dəyərini 60 milyon avro qiymətləndirir. a
Qeyd edək ki, Halandın isə "Mançester Siti" ilə hazırkı müqaviləsi 2034-cü ilin yayında başa çatır. "Transfermarkt" portalı forvardın hazırkı bazar dəyərini 180 milyon avro qiymətləndirir.
