Idman.biz
Ekvador "Barselona"sının baş məşqçisi gizli reklama görə cəzalandırılıb.
İdman.biz xəbər verir ki, CONMEBOL Sequndo Kastilyonu 50 min ABŞ dolları məbləğində cərimələyib.
Buna səbəb isə onun Libertadores kuboku oyunları zamanı həddindən artıq parlaq və diqqətçəkən geyimi olub.
Kastilyonun ekstravaqant geyimləri ilə diqqət çəkərək gizli reklamla məşğul olduğu bildirilir.
CONMEBOL müəyyən edib ki, "River" və "Barselona" komandaları arasında keçirilən oyunda Kastilyonun pencəyinin yaxasında dairəvi bir nişan olub və bu nişan Ekvadorun milli lotereya şirkətinin reklam kampaniyasına aid imiş.
Beləliklə, Libertadores kubokunun təşkilatçıları bu vəziyyəti turnirin rəsmi sponsoru olmadan özünü tədbirlə əlaqələndirmək cəhdi olan və turnirin qaydaları ilə qadağan edilmiş "embush-marketing" (gizli marketinq) kimi qiymətləndiriblər.
Kastilyoya tətbiq olunan cərimə klubun televiziya yayım hüquqlarından əldə etdiyi gəlirdən tutulacaq.
İdman.biz
