Sport24.az
"Barselona"nın yay transfer planları bəlli olub. Sport24.az xəbər verir ki, İspaniya nəhəngi mövsümün sonunda futbolçu satışından qazanmaq arzusundadır.
Klub rəhbərliyi qışda heç bir futbolçusu ilə vidalaşmamaq, yayda isə 80 milyon avro qazanc əldə etməyi planlaşdırır. La Liqa təmsilçisi bu məbləği toplamaq üçün mərkəz müdafiəçiləri və yarımmüdafiəçilərindən bəzilərini satmağa hazırdır. Artıq təkliflərin nəzərdən keçirilməsinə də start verilib.
Qeyd edək ki, klub rəhbərliyinin vidalaşmaq istədiyi oyunçulardan biri Ansu Fatidir.
