Report.az
İspaniyanın "Barselona" klubunun 17 yaşlı futbolçusu Lamin Yamal 100-cü matçını keçirib.
"Report" xəbər verir ki, bu barədə klubun mətbuat xidməti məlumat yayıb.
O, bunu La Liqanın XXIV turunda "Rayo Valyekano" ilə matçda reallaşdırıb. Vinger bu görüşlərin 83-də Kataloniya klubunun, 17-də isə İspaniya yığmasının heyətində meydana çıxıb.
Futbolçu "Barselonada"kı debütündən bəri artıq 18 qol və eyni sayda məhsuldar ötürməyə imza atıb. İspaniya yığmasının heyətində isə 3 qol və 8 məhsuldar ötürməyə müəlliflik edib.
Qeyd edək ki, "Barselona" hazırda 51 xalla La Liqada turnir cədvəlinə başçılıq edir.
