Sport24.az
"Barselona"dan ayrıldıqdan sonra klubsuz qalan Oriol Romeu İngiltərəyə qayıdacaq. Sport24.az xəbər verir ki, ispaniyalı futbolçu karyerasını Çempionşipdə davam etdirəcək.
Bu barədə İspaniya mətbuatı məlumat yayıb.
"Sauthempton" sabiq oyunçusu ilə razılıq əldə edib.34 yaşlı dayaq yarımmüdafiəçisi tibbi müayinədən keçdikdən sonra İngiltərə klubu ilə müqavilə imzalayacaq.
Qeyd edək ki, Oriol Romeu ötən mövsüm icarə əsasında "Jirona"nın formasını geyinib. Təcrübəli futbolçu avqust ayında "Barselona"dan ayrılıb. O, 2015-2022-ci illərdə "Sauthempton"da çıxış edib.
