Lent.az
"Barselona"nın hücumçusu Lamin Yamal formasının nömrəsini dəyişmək qərarına gəlib.
Lent.az xəbər verir ki, 17 yaşlı futbolçu gələn mövsüm 10 nömrəli formanı geyinəcək.
Yamal 19 nömrəsini Lionel Messi, Ronaldinyo və Dieqo Maradonanın əvvəllər klubda oynadığı əfsanəvi 10 nömrəsinə dəyişəcək. Nömrə hazırda Ansu Fatiyə məxsusdur.
Yamalın nömrəni 18 yaşından sonra, iyulun 13-də alacağı gözlənilir.
Həmçinin bildirilir ki, ispaniyalı "Barsa" ilə 1 milyard avroluq satın alma maddəsi ilə yeni müqavilə imzalayacaq.
Bu mövsüm Yamal "Barselona"nın heyətində bütün turnirlərdə 54 oyun keçirib, 18 qol vurub və 25 məhsuldar ötürmə edib.
