Lent.az
"Barselona"nın baş məşqçisi Hans-Diter Flik futbolçularının mətbuatda fəallığından narazılığını bildirib.
Lent.az xəbər verir ki, almaniyalı mütəxəssis həddindən artıq əyləncəyə qadağa qoyub və oyunçuların futbola konsentrasiyasını yaxşılaşdırmaq məqsədi daşıyan əlavə məhdudiyyətlər tətbiq edib.
Qeyd olunur ki, bu dəyişikliklər 18 yaşı tamam olan yarımmüdafiəçi Lamin Yamalın təşkil etdiyi ziyafətlə bağlı qalmaqalla əlaqəli ola bilər. O, tədbirə cırtdanları dəvət edib.
Ötən mövsüm "Barselona" dörd mümkün kubokdan üçünü - çempionluq, kubok və İspaniya Superkubokunu qazanıb. Hans-Diter Flikin komandası Çempionlar Liqasının yarımfinal mərhələsində İtaliyanın "İnter"inə uduzaraq, mübarizədən kənarda qalıb.
