Sport24.az
"Barselona" heyətinə yeni qapıçı cəlb edib. Sport24.az xəbər verir ki, İspaniya çempionu "Espanyol"dan Xoan Qarsiyanı transfer edib.
Bu barədə klubun mətbuaat xidməti məlumat yayıb.
"Barselona" ispan qolikiper üçün onun klubuna 25 milyon avroluq sərbəstqalma məbləğini ödəyib. 24 yaşlı "əlcək sahibi" ilə 2031-ci ilin yayına kimi nəzərdə tutulan müqavilə imzalanıb.
Qeyd edk ki, Xoan Qarsiya 2016-cı ilin yayında "Espanyol"un akademiyasına qoşulub. İspaniya millisinin üzvü ötən mövsüm La Liqa təmsilçisinin heyətində meydana çıxdığı 38 rəsmi matçda 51 qol buraxıb. O, 8 qarşılaşmada qapsını toxunulmaz saxlamağı bacarıb.
