Idman.biz
"Barselona" növbəti mövsüm yeni qapıçı axtarışına çıxıb.
İdman.biz xəbər verir ki, komanda Mark-Andre ter Ştegenlə rəqabət aparacaq qolkiper axtarır.
Mövsümün gedişində "Barsa"ya qoşulan Voytsex Şçesnı gələcəyi ilə bağlı qərar verməyib. Klub ona iki illik müqavilə təklif etsə də, polşalı ailəsi ilə müzakirələrdən sonra cavab verəcəyini bildirib. Nəticədə Kataloniya təmsilçisi Lyuk Şevalye ("Lill"), Vart Verbryuggen ("Brayton") və Joan Qarsiyanı ("Espanyol") namizdələr siyahısına daxil edib.
Qeyd edək ki, Mark-Andre ter Ştegen zədə üzündən mövsümün böyük hissəsini buraxıb. Komanda karyerasını bitirən Voytsex Şçesnının xidmətinə ehyiyac duyub və o, çıxışı ilə azarkeşlərin rəğbətini qazanıb.
İdman.biz
