Sport24.az
"Barselona" maliyyə qaydalarını pozduğuna görə ardıcıl ikinci ildir ki, UEFA-nın sanksiyaları təhlükəsi ilə üzləşib. Sport24.az xəbər verir ki, bu barədə "The Times" məlumat paylaşıb.
İspaniya klubu maliyyə hesabatlarında pozuntulara görə UEFA-nın tətbiq etdiyi 420 min funt-sterlinq cəriməyə qarşı İdman Arbitraj Məhkəməsində (CAS) apellyasiya şikayətini uduzub. CAS-ın 2024-cü ilin oktyabrında verdiyi qərarda bunun bir daha təkrarlanacağı halda katalonların daha ağır sanksiyalara məruz qalacağı bildirilib.
Mənbənin sözlərinə görə, "Barselona" yenidən qaydaları pozduğu üçün "ilişib". La Liqanın son çempionuna 2025/26 mövsümündə Çempionlar Liqası üçün qeydiyyatdan keçə biləcək oyunçuların sayına məhdudiyyət qoyula bilər. Bundan başqa liqanınin ümumi mərhələsində komandanın hesabından xallar da silinə bilər.
