Sport24.az
"Barselona"nın hücumçusu Robert Levandovski La Liqanın 32-ci turunda "Selta" ilə oyunda (4:3) zədələnib. Sport24.az AS-a istinadən xəbər verir ki, polşalı futbolçunun durumu o qədər də ürəkaçan deyil. İlkin ehtimallara görə, hücumçunun bud əzələsi yırtılıb.
Bu vəziyyətdə onun sağalması üçün ən azı üç həftə lazım ola bilər. Bu isə o deməkdir ki, Levandovski aprelin 26-da keçiriləcək İspaniya kubokunun həlledici görüşündə "Real" ilə oyunu buraxacaq.
Robertin Çempionlar Liqasının yarımfinal mərhələsinin "İnter"ə qarşı matçlarında (30 aprel və 6 may) meydana çıxacağı da sual altındadır.
Qeyd edək ki, 36 yaşlı futbolçu cari mövsümdə İspaniya çempionatında 31 oyun keçirib, 25 qol vurub və 2 məhsuldar ötürmə edib.
