Sport24.az
"Barselona" rəbərliyi ilə Mark-Andre Ter Ştegenin münasibətləri pozulub. Sport24.az xəbər verir ki, kataloniyalılar almaniyalı qapıçı ilə müqaviləyə xitam vermək istəyirlər.
Hər şey Çempionlar Liqasının yarımfinalında "İnter"lə oyundan əvvəl baş verib. Ter Ştegenin meneceri "Barselona"nın idman direktoru Deku zəng edərək, onun zədəsini tam sağaltdığını və əsas heyətdə yer almalı olduğunu bildirib. Bu davranış rəhbərliklə yanaşı baş məşqçisi Hans-Diter Flikin də xoşuna gəlməyib. O, həmyerlisinin satılmasına müsbət rəy verib.
Qeyd edək ki, Ter Ştegenin "Barsa" ilə 2028-ci ilin yayına kimi müqaviləsi var. Klub bir mövsümün maaşını ödəməklə onunla razılaşmanı pozmağa hazırlaşır.
