Report.az
İspaniyanın "Barselona" klubu son 7 ildə ən uzun məğlubiyyətsizlik seriyasına imza atıb.
"Report"un xarici KİV-ə istinadən məlumatına görə, Hans-Diter Flikin baş məşqçisi olduğu kollektiv ötən gün La Liqanın XXXI turunda "Leqanes"i 1:0 hesabı ilə məğlub edib.
Komanda 2025-ci ildə 20 qələbə və 4 heç-heçəyə imza atıb. "Barselona" sonuncu dəfə 2017/2018 mövsümündə Ernesto Valverdenin rəhbərliyi altında 23 qələbə və 6 heç-heçə ilə yadda qalmışdı.
Qeyd edək ki, komanda hazırda 70 xalla turnir cədvəlində ilk pillədə yer alıb.
