Sport24.az
Ronald Arauxo emosional problemlərini həll etməsə, "Barselona" qış "transfer pəncərəsi"ndə yeni müdafiəçi ilə müqavilə imzalaya bilər. Sport24.az xəbər verir ki, bu barədə "Marca" məlumat yayıb.
Mənbənin sözlərinə görə, Kataloniya klubu yanvarda transfer planlaşdırmırdı. Lakin uruqvaylı müdafiəçi ilə bağlı vəziyyət rəsmiləri yenidən düşünməyə vadar edib.
Qeyd edək ki, bu həftənin əvvəlində Arauxo klub rəhbərliyindən emosional gərginlikdən qurtulmaq üçün limitsiz vaxt istəyib. Çempionlar Liqasında "Çelsi" ilə oyundan sonra vəziyyət daha da pisləşib. Müdafiəçi 44-cü dəqiqədə qırmızı vərəqə alıb və Kataloniya təmsilçisi 0:3 hesabı ilə məğlub olub.
