Idman.biz
Xosep Bartomeunun prezidentliyi dövründə "Barselona"nın transfer ödənişlərini araşdıran hakim, Antuan Qrizmannın imzalanmasının işə əlavə edilməsi barədə qərar verib.
Bu barədə İdman.Biz "El Mundo"ya istinadən xəbər verir.
O, hesab edir ki, kataloniyalılar gizli danışıqlar zamanı göndərilən elektron məktublara əsaslanaraq, klubunun ("Atletiko Madrid" – red.) icazəsi olmadan futbolçu ilə birbaşa danışıqlara qoyulan qadağanı pozublar. Yuxarıda qeyd olunan qadağa yalnız oyunçunun müqaviləsinin bitməsinə altı aydan az vaxt qaldıqda tətbiq edilir.
Hakim qeyd edib ki, Madrid klubu 2019-cu ilin fevral-mart ayları arasında "Barselona"nın Qrizmannla təmasları ilə bağlı İspaniya Kral Futbol Federasiyasına (RFEF) müraciət edib, o vaxt "Barsa"nın belə bir hüququ yox imiş.
"RFEF-in potensial sanksiyalarından qaçmaq üçün, istintaq altında olan şəxslərin birbaşa "Atletiko Madrid" ilə danışıqlar apardıqları və davam edən proseslər üçün sübut təqdim etməmək müqabilində 15 milyon avro ödəməyi əhatə edən razılığa gəldiyi təxmin edilir", - məhkəmə qərarında deyilir.
"Ödənişlərə legitimlik donu geyindirmək üçün belə göstərilir ki, ("Barselona") bir neçə "Atletiko Madrid" oyunçusunu ilk almaq hüququnu əldə edib. Bu faktlar idarəetmənin pozulması və/yaxud mühasibat saxtakarlığı cinayəti kimi tövsif oluna bilər", - hakim yekunlaşdırıb.
