Idman.biz
"İnanıram ki, hər kəsin öz yolu var və bu gün Lamin Yamalın davranışında heç bir qırmızı bayraq görmürəm. İnanıram ki, Laminin futbola, həyata münasibəti onu olduğu oyunçuya çevirir. Temperamentlidir - bunu dəyişmək olmaz".
İdman.biz xəbər verir ki, bunu "Barselona"nın qapıçısı Voyçex Şensı 17 yaşlı komanda yoldaşı Lamin Yamal haqda danışırkən deyib.
Qolkiper bildirib ki, belə insanlara həddən artıq təzyiq göstərilməməlidir: "Əksinə - diqqətli olmaq və onlara futboldan həzz almaq imkanı vermək lazımdır. Onların sevinci yoluxucudur - təkcə komanda yoldaşları üçün deyil, həm də dünyada futbolu sevən milyonlarla insan üçün".
Voyçex Şensı əlavə edib ki, ulduz futbolçunun hər bir addımında onun ətrafının da üzərinə böyük yük düşür: "Yamalın cəmi 17 yaşı var - gənclik səhvləri etmək hüququ və bəlkə də öhdəliyi var. Əsas odur ki, bu səhvlərin ciddi nəticələri olmasın. Onun ətrafı şübhəsiz ki, bu kimi məsələlərdə mühüm rol oynayacaq".
Qeyd edək ki, iyulun 13-də Yamalın 18 yaşı tamam olacaq. İspaniya mətbuatının yazdığına görə, kataloniyalılar həmin gün futbolçunun yeni – 10 nömrəsini təqdim etmək niyyətindədirlər. Əvvəllər bu nömrə uzun müddət ulduz futbolçu Lionel Messiyə məxsus idi.
İdman.biz
