Idman.biz
"Lamin Yamal "Barsa"nı sevən və bu nəslin bir parçası olan dahidir. Lamin müstəsna fərdi istedada malik futbolçudur, eyni zamanda burada özünü rahat hiss edən komanda oyunçusudur.
İdman.biz xəbər verir ki, bunu "Barselona"nın prezidenti Joan Laporta hücumçu Lamin Yamalın 2026-cı ilin yayında başa çatacaq müqaviləsinin uzadılması ilə bağlı sualı cavablandırarkən deyib.
Laporta bildirib ki, 17 yaşlı hücumçunun agenti Xorxe Mendeslə yaxşı ünsiyyətləri var: "Yamalla müqavilənin uzadılması praktiki olaraq razılaşdırılıb, yalnız ratifikasiyası tələb olunur".
Qeyd edək ki, daha əvvəl mətbuatda Yamalın "Barselona" ilə müqaviləsi gələn il iyulun 18-i tamam olandan sonra 2030-cu ilin yayına qədər uzadacağı barədə xəbərlər yayılıb.
İdman.biz
