Idman.biz
"Barselona" oyunçuları fiziki hazırlıq rejimlərindən narazıdırlar və bunun həm zədə böhranında, həm də komandanın aşağı düşən performansında əsas rol oynadığına inanırlar.
İdman.Biz RAC1-ə istinadən bildirir ki, bir çox oyunçu komanda məşqlərinin formalarını qorumaq üçün əzələlərini gücləndirməyə kifayət qədər diqqət yetirmədiyinə inandıqları üçün şəxsi məşqçilərlə işləməyə başlayıblar.
Ötən mövsüm "blauqrana"nın 2020-ci ildən bəri ən yaxşı zədə göstəricisi olub - cəmi 20 zədə. Lakin cari mövsümün başlamasından əvvəl idman direktoru Deku əvvəlki fiziki hazırlıq şöbəsinin işçilərini əvəz edib.
İspaniya Primera Divizionunda 10 oyundan sonra "Barselona"nın 22 xalı var və turnir cədvəlində "Real Madrid"dən beş xal geridə, ikinci yerdədir.
