Idman.biz
UEFA Çempionlar Liqasının 2025/2026 mövsümünün 3-cü turunun "Barselona" – "Olimpiakos" matçına yekun vurulub.
İdman.Biz bildirir ki, oyun İspaniyanın Barselona şəhərindəki "Estadio Olympique Lluis Companys" stadionunda baş tutub.
Qarşılaşma 6:1 hesabı ilə "blauqrana"nın xeyrinə başa çatıb.
"Barselona"nın qollarını yarımmüdafiəçi Fermin Lopez (7, 39, 76), cinah yarımmüdafiəçisi Markus Reşford (74, 79) və hücumçu Lamin Yamal penaltidən (68) vurublar.
"Olimpiakos"un qolunu El-Kaabi (54) vurub.
Növbəti turda Hans-Diter Flikin yetirmələri "Brügge" (5 noyabr), Xose Luis Mendilibarın komandası isə PSV (4 noyabr) ilə qarşılaşacaq.
