Idman.biz
İspaniyanın "Barselona" klubu yayda komandadan ayrılan İnyiqo Martinesin əvəzlənməsi üçün transfer bazarında aktiv axtarış aparır.
İdman.Biz xəbər verir ki, rəhbərlik sol ayaqlı və ötürmə keyfiyyətləri yüksək olan mərkəz müdafiəçisi üçün beş futbolçu üzərində dayanıb.
Məsələyə yaxın mənbələrin məlumatına görə, klubun qısa siyahısında bu oyunçular yer alır:
- Niko Şlotterbek – "Borussiya Dortmund"
- Qonçalu İnasiu – "Sportinq"
- Mark Qehi – "Kristal Pəlas"
- Tilel Tati (Tillel Tati) – "Nant"
- Dayo Upamekano – "Bavariya".
Məlumata əsasən, Şlotterbekin bazar dəyəri 40 milyon avrodan (79 milyon AZN) çoxdur. İnasiunun müqaviləsində isə 60 milyon avroluq (118.8 milyon AZN) xüsusi şərt mövcuddur.
Qeyd edək ki, Qehi və Upamekanonun klubları ilə müqavilələri 2026-cı ilin yayında başa çatır.
