Idman.biz
"Barselona" rəhbərliyi "Bavariya"ya polşalı hücumçu üçün bonus ödəmək istəmədiyi üçün hücumçu Robert Levandovskidən 2022/2023 mövsümündə daha az qol vurmasını istəyib.
İdman.Biz bildirir ki, bu barədə Sport.es "Levandovski: Əsl" kitabına istinadən məlumat verir.
Kitabda polşalı futbolçu yazır ki, "Barselona" rəhbərliyi, o cümlədən, prezident Joan Laporta, hücumçudan çox qol vurmamasını istəyib, çünki əks halda Kataloniya klubu "Bavariya"ya 2,5 milyon avro ödəməli olacaq. Bu söhbət "Barselona"nın La Liqada qalib gəlməsindən sonra baş verib. Mövsümün sonuna qədər hücumçu ölkə çempionatında 23 qol vurmuşdu.
