Idman.biz
"Barselona" 37 yaşlı hücumçu Robert Levandovski ilə 2026-cı ilin yayında başa çatacaq müqaviləni uzatmağı planlaşdırmır.
İdman.biz xəbər verir ki, futbolçunun özü də komandadan getmək niyyətindədir.
Məlumata görə, iqtisadi problemlər üzündən kataloniyalılar polşalı hücumçunu yeni alışlar yox, daxili imkanlardan istifadə etməklə əvəzləmək variantını nəzərdən keçirir. 25 yaşlı Ferran Torresdən daimi olaraq forvard kimi istifadə variantı nəzərdən keçirilir.
Vurğulanır ki, bu mövsüm Torres "Barselona"nın start heyətində mərkəz hücumçusu kimi keyfiyyətlərini təsdiqləməlidir. İspan futbolçu klubun idman direktoru Deko və komandanın baş məşqçisi Hans-Diter Flikin etimadını qazanıb.
Ötən mövsüm Levandovski bütün turnirlərdə 52 matçda iştirak edib, bu matçlarda 42 qol vurub və 3 məhsuldar ötürmə edib. Torres bütün yarışlarda 45 oyun keçirib, 19 qol vurub və 7 məhsuldar ötürmə edib.
İdman.biz
