Sport24.az
"Barselona" "Kopenhagen"in vingeri Runi Barji ilə maraqlanır. Sport24.az xəbər verir ki, bu barədə insayder Fabrisio Romano məlumat yayıb.
Onun sözlərinə görə, Kataloniya klubu 19 yaşlı futbolçunun mümkün transferi ilə bağlı ilkin müzakirələr üçün artıq Danimarka komandası ilə əlaqə saxlayıb.
"Porto" da Barjiyə "elçi" düşüb. Portuqaliya klubu iki həftə əvvəl qarşı tərəfə rəsmi təklif göndərib.
Qeyd edək ki, isveçli futbolçu çarpaz bağın yırtılması səbəbindən 2024/25 mövsümündə Danimarka çempionatında cəmi beş oyun keçirib. Əvvəlki mövsümdə isə o, meydana çıxdığı 23 oyunda 7 qol vurub.
