Sport24.az
"Barselona" "Espanyol"un 24 yaşlı qapıçısı Joan Qarsiya ilə danışıqları yekunlaşdırıb. Qolkiperlə 5 illik müqavilənin bütün şərtlərini razılaşdırıb. Sport24.az xəbər verir ki, bu barədə insayder Fabrisio Romano X sosial şəbəkəsində (keçmiş Twitter) məlumat paylaşıb.
Mənbənin sözlərinə görə, Kataloniya təmsilçisi gələn həftə qarşı tərəfə 25 milyon avro ödəyəcək. Vəsait "Esoanyol"un hesabına köçən kimi transfer rəsmi açıqlanacaq.
Qeyd edək ki, 24 yaşlı Qarsiya İspaniya millisinin tərkibində olimpiya çempionudur. Ötən mövsüm qapıçı bütün turnirlərdə 38 oyuna çıxıb, 51 qol buraxıb. Joan 2024/25 "futbol ili"ndə La Liqada ən çox seyv edən (146) qolkiper olub.
