Sport24.az
"Barselona" "Espanyol"un qapıçısı Joan Qarsiyanı transfer etməyi düşünür. Sport24.az xəbər verir ki, bu barədə "Mundo Deportivo" məlumat yayıb.
Mənbənin sözlərinə görə, Kataloniya klubu 24 yaşlı qolkiperi yaxın günlərdə heyətinə qatmağa cəhd edəcək. Məsələ ilə bağlı "Barselona"nın baş məşqçisi Hans-Diter Fliklə idman direktoru arasında razılıq əldə olunub.
"Barselona"dan başqa Qarsiya ilə 3 ingilis klubu - "Arsenal", "Aston Villa", "Bornmut" maraqlanır. "Bayer" və "Napoli" də qolkiperi "rənglərinə bağlamağı" planlaşdırır.
Qeyd edək ki, "çərçivə qoruyucusu"nun müqaviləsində 25 milyon qarşılığında sərbəst qalma bəndi var. Qarsiya bu mövsüm 38 matçda qapısında 51 qol görüb.
