Idman.biz
İspaniyanın "Barselona" futbol komandasının 18 yaşlı hücumçusu Həmzə Əbdülkərim qeyri-adi vəziyyətlə üzləşib.
İdman.Biz xəbər verir ki, misirli futbolçu eyni gündə İngiltərənin "Aston Villa" komandasına qarşı keçiriləcək iki fərqli beynəlxalq turnirin oyununa dəvət alıb.
"Barselona Atletik"də qeydiyyatda olan Əbdülkərim həm əsas komandanın UEFA Çempionlar Liqası, həm də U-19 kollektivinin UEFA Gənclər Liqasındakı qarşılaşmasının iştirak ərizəsinə daxil edilib.
Hücumçu noyabrın 2-də əsas komandanın baş məşqçisi Hans-Diter Flikin rəhbərliyi altında son məşqdə iştirak edib. Ertəsi gün onun Çempionlar Liqası üçün açıqlanan heyətdə də yer aldığı təsdiqlənib.
Bununla yanaşı, "Barselona"nın U-19 komandasının baş məşqçisi Pol Planas da gənc futbolçunu "Aston Villa" ilə görüşə çağırıb.
2008-ci ildə anadan olan Əbdülkərim 2026-cı ilin fevralında Kataloniya təmsilçisinə qoşulub. Yay hazırlığını əsas komanda ilə keçirən futbolçu avqustun 31-də "Rayo Valyekano"ya qarşı görüşdə Flikin rəhbərliyi altında rəsmi debütünü edib. Oktyabrda isə "Barselona Atletik"in heyətində ilk oyununa çıxıb.
Hər iki qarşılaşma komandalar üçün turnir baxımından əhəmiyyətlidir. Çempionlar Liqasında "Barselona" altı xalla səkkizinci, "Aston Villa" isə doqquz xalla ikinci pillədə qərarlaşıb.
UEFA Gənclər Liqasında Kataloniya təmsilçisi dörd xalla 20-ci, İngiltərə komandası isə üç xalla 26-cı sıradadır.
Qeyd edək ki, "Barselona"nın U-19 komandası "Aston Villa" ilə noyabrın 3-də Bakı vaxtı ilə saat 19:00-da "Yohan Kroyf" stadionunda qarşılaşacaq. Əsas komandaların oyunu isə həmin gün saat 23:59-da "Spotify Kamp Nou"da başlayacaq.
