Sport24.az
Səudiyyə Ərəbistanı təmsilçisi "Əl-Hilal" ötən mövsüm Rafinyaya görə "Barselona"ya 100 milyon avro ödəməyə hazır idi. Futbolçunun özünə isə illik 15 milyon avro maaş təklif edib. Sport24.az xəbər verir ki, bu barədə "Relevo" məlumat yayıb.
Mənbənin sözlərinə görə, Kataloniya klubu bilir ki, hazırda Rafinya ilə bağlı konkret təklif olmasa da, Səudiyyə klubları onunla maraqlanır. "Barselona" braziliyalı hücumçunu komandada saxlamaq niyyətindədir və ona yeni müqavilə təklif etməyə hazırlaşır. Yeni anlaşmaya əsasən o, İspaniya nəhənginin ən çox maaş alan oyunçularından birinə çevriləcək.
Qeyd edək ki, Rafinyanın klubla hazırkı müqaviləsi 2027-ci ilin yayında başa çatır. Kataloniya təmsilçisi onunla "nigahı" 2030-cı ilə qədər uzatmağı planlaşdırır.
