Idman.biz
İspaniyanın "Barselona" komandasında çıxış edən Markus Reşfordun daimi transferi ideyasını klub azarkeşlərinin əksəriyyəti müsbət qarşılayır.
İdman.Biz xəbər verir ki, "Mundo Deportivo" nəşrinin keçirdiyi sorğuya əsasən respondentlərin 54,6 faizi klubun "Mançester Yunayted"ə məxsus olan hücumçunun transfer hüququnu aktivləşdirməsini dəstəkləyir.
Eyni zamanda azarkeşlərin 35,7 faizi bu keçidə qarşı çıxır, 6,3 faizi isə mövsümün sonunda daha ölçülüb-biçilmiş qərar verilməsinin tərəfdarıdır.
Markus Reşford mövsüm üçün "Mançester Yunayted"dən "Barselona"ya icarəyə verilib və Kataloniya klubunun futbolçunu 30 milyon avroya (təxminən 55,5 milyon AZN) satın almaq imkanı var.
Bu mövsüm Reşford bütün turnirlərdə 24 oyunda meydana çıxıb, yeddi qol vurub və doqquz məhsuldar ötürmə edib.
