Idman.biz
"Barselona" və "Atletik Bilbao" arasında İspaniya Superkubokunun yarımfinal oyunu başa çatıb.
İdman.Biz bildirir ki, komandalar Səudiyyə Ərəbistanının Ciddə şəhərindəki "Kral Abdullah Sports City" stadionunda qarşılaşıblar. "Blauqrana" 5:0 hesabı ilə qalib gəlib.
22-ci dəqiqədə "Barselona"nın hücumçusu Ferran Torres klubuna üstünlük qazandırıb. 30-cu dəqiqədə yarımmüdafiəçi Fermin Lopez "blauqrana"nın üstünlüyünü ikiqat artırıb. 34-cü dəqiqədə "Barselona"nın cinah oyunçusu Runi Barqi komandasının üstünlüyünü üç topa çatdırıb. 39-cu dəqiqədə braziliyalı Rafinya kataloniyalıların dördüncü qolunu vurub. Rafinya 52-ci dəqiqədə öünün ikinci qoluna imza atıb.
Bununla da "Barselona" 11 yanvar bazar günü keçiriləcək İspaniya Superkuboku finalına vəsiqə qazanıb. "Blauqrana"nın rəqibi "Atletiko" və "Real" arasında keçiriləcək Madrid derbisinin qalibi olacaq.
