Idman.biz
İspaniyanın "Barselona" klubunda prezident seçkiləri ilə bağlı proses rəsmi mərhələyə keçir.
İdman.Biz xəbər verir ki, 23 yanvar tarixində klubun direktorlar şurasının iclası keçiriləcək və iclasa prezident Joan Laporta rəhbərlik edəcək.
Məhz bu toplantıda 2026-cı ildə keçiriləcək prezident seçkilərinin dəqiq tarixi elan olunacaq.
Məlumata görə, klub daxilində artıq ilkin razılaşma əldə edilib və prezident seçkilərinin 22 mart 2026-cı il, bazar günü keçirilməsi planlaşdırılır.
"Barselona" bu qərarı fevralın 7-8-də baş tutacaq növbədənkənar ümumi yığıncaqda rəsmi şəkildə ictimaiyyətə açıqlayacaq. Həmin iclasda katalon klubu eyni zamanda komandanın formasının arxa hissəsi üçün yeni sponsorluq müqaviləsini təsdiqləyəcək və Spotify ilə tərəfdaşlığın müddətini uzadacaq.
