Idman.biz
"Barselona"nın yetirməsi Ebrima Tunkara bu gün klubla yeni müqavilə imzalayıb.
İdman.Biz bu barədə insayder Fabrizio Romanoya istinadən bildirir.
15 yaşlı oyunçu "Barsa B" üçün debüt etdikdən sonra Tunkara bir çox təkliflərə baxmayaraq klubla razılaşma imzalayacaq.
Mənbəyə görə, şərtlər hamısı razılaşdırılıb və bu gün yeni müqavilə imzalanıb.
Qambiyada anadan olan, lakin İspaniya vətəndaşı olan gənc yarımmüdafiəçi qısa bir zamanda "Barselona"nın gənclər komandalarında görkəmli bir fiqura çevrilib.
Son aylarda Tunkara İspaniyanın 17 yaşadək futbolçulardan ibarət komandasında müntəzəm olaraq əsas heyətdə yer alıb.
