Sport24.az
"Qalatasaray"ın hücumçusu Barış Yılmaz Çempionlar Liqasının pley-off mərhələsində "Yuventus"la qarşılaşacaqları oyundan əvvəl gözləntilərini bölüşüb. Sport24.az xəbər verir ki, o, bu barədə UEFA-nın rəsmi saytına açıqlama verib:
"Bu matç həm ölkəmiz, həm də klubumuz üçün çox vacibdir. Biz 100 faiz hazırıq. Məşqçinin planını həyata keçirə bilsək, azarkeşlərə əla şou göstərəcəyik. Məqsədimiz meydandan qələbə ilə ayrılmaqdır. Səhvlərdən qaçmağa və meydandan qalibiyyətlə ayrılmağa çalışacağıq. Oyunçuların özlərini sübut etmək üçün yaxşı fürsəti olacaq. Ümid edirəm ki, yaxşı oyun nümayiş etdirə biləcəm".
Qeyd edək ki, komandalar arasında ilk oyun bu gün İstanbulda keçiriləcək və Bakı vaxtı ilə saat 21:45-də başlayacaq. İkinci pley-off matçı isə fevralın 25-də Turində keçiriləcək.
